ზაფხულიდან მოყოლებული ბრაზილიელი ფეხბურთელი სამეფო კლუბის ძირითადი შემადგენლობის შეუცვლელ ფიგურად ჩამოყალიბდა. ის კარიმ ბენზემასთან ერთად მეტად საშიშ და პროდუქტიულ ტანდემს ქმნის.

„ლოს კარმენესზე“ გამართულ მატჩში, ვინისიუს ჯუნიორმა მორიგი გოლი ჩაიწერა აქტივში, რომელიც მისთვის მე-10 გამოდგა მიმდინარე სეზონში (8 ლა ლიგაზე და 2 ჩემპიონთა ლიგაზე). აქამდე, მისი საუკეთესო მაჩვენებელი „რეალის“ ფეხბურთელის რანგში - 6 შედეგიანი დარტყმა გახლდათ 1 სათამაშო წლის განმავლობაში.

რაც უფრო დრო გადის და ფეხბურთელი პროგრესირებს, მით უფრო მეტად უჭირთ მისი განეიტრალება მეტოქეებს. ამის ნათელი დასტური გამოდგა „გრანადას“ მცველის, მონჩუს ქმედება. ამ უკანასკნელმა ვინის შეჩერება მხოლოდ წითელი ბარათის დახმარებით შეძლო.

ამასთანავე, საინტერესო გამოწვევად რჩება, რა შეიცვლება მაშინ, როდესაც „რეალის“ რიგებში მბაპე გადაბარგდება. არსებული მომენტისათვის, თავიანთი გუნდების რიგებში, ორივეს 17-17 პაექრობა აქვთ ჩატარებული. ვინისიუსს 2 გოლით მეტი აქვს შეგდებული (10-8 ზე), 2-ით მეტი დრიბლინგი აქვს განხორციელებული (56-54 ზე) და ერთადერთი კომპონენტი, რაშიც ფრანგს ჩამორჩება, არის საგოლე გადაცემები (10-5 კილიანის სასარგებლოდ).

MARCA������� dle 10.1������� ������� ������