როგორც ესპანური წყაროები იუწყებიან, ”ლივერპული” მზად არის გაყიდოს სტივენ ჯერარდი, ვინაიდან მადრიდის ”რეალი” საკმაოდ კარგ თანხას ჩამოდის ინგლისელის სანაცვლოდ. წითლებს ბიუჯეტთან დაკავშირებით გარკვეული პრობლემები აქვთ, ასე, რომ შესაძლოა სტივიჯი სულ მალე თეთრ ფორმაში ვიხილოთ.

მიუხედავათ იმისა, რომ ”ლივერპულის” ახალ მწვრთნელს, როი ჰოჯსონს სურს ჯერარდის შენარჩუნება, ინგლისელი ჟურნალისტები ჯიუტად რჩებიან თავიანთ აზრზე, რაც იმაში მდგომარეობს, რომ სტივი სამეფო კლუბში გადავა. წითლების მესვეურების თქმით, ”მერენგების” შეთავაზება საკმაოდ მისაღებია, ასე, რომ ახლა ყველაფერი ჯერარდის სურვილზეა დამოკიდებული.

როგორც მოგეხსენებათ, სტივის სიტყვას ”ლივერპულში” უდიდესი მნიშვნელობა აქვს. მან მთელი კარიერა სწორედ ამ კლუბში გაატარა და ახლა სხვა გუნდში გადასვლასთან ძალიან ახლოსაა. სტივენმა კი განაცხადა, რომ ყველაფერს მაშინ იტყვის, როდესაც როი ჰოჯსონს გაესაუბრება.

ახლა კი ჩვენ, მადრიდის ”რეალის” ქომაგებს ისღა დაგვრჩენია, რომ დაველოდოთ მოვლენების განვითარებას და ვნახოთ გაიმეორებს თუ არა სტივიჯი, მაიკლ ოუენისა და დევიდ ბექჰემის გზას.


წყარო:marca.com������� dle 10.1������� ������� ������