ESPN Colombia-მ სამეფო კლუბის მოქმედ დამრიგებელს სამშობლოში დაბრუნებასა და ნაკრების ჩაბარების შესახებ ჰკითხა.

„ვერ გეტყვით, ახლა ნამდვილად არ ვფიქრობ აღნიშნულზე. მე უფრო მიტაცებს ყოველდღიური საქმიანობა და ამით ვიღებ სიამოვნებას“ - დასძინა კარლო ანჩელოტიმ.

ამჟამად, იტალიის ეროვნული გუნდის სათავეში რობერტო მანჩინი დგას და საკმაოდ წარმატებითაც. სწორედ მის სახელს უკავშირდება „სკუადრა აძურას“ 37 მატჩიანი წაუგებელი სერია.

პაპა კარლო ესპანეთის დედაქალაქში განვლილ ზაფხულს დაბრუნდა. „რეალში“ მუშაობის პირველ წლებში, მან შემადგენლობას ისეთი ტიტულები მოაგებინა, როგორებიცაა: ჩემპიონთა ლიგა, უეფას სუპერ თასი, საკლუბო მუნდიალი და კოპა დელ რეი.

მიმდინარე სეზონში „ბლანკოსი“ პრიმერა დივიზიონის სატურნირო ცხრილის მოწინავე პოზიციაზე იმყოფება და ამასთანავე, ჩ/ლიგის „დი“ ჯგუფს ლიდერობს.

AS������� dle 10.1������� ������� ������