აგენტი: „ბეილი ფანატიკოსი უელსელია“
გარეთ ბეილი ეროვნული გუნდის განკარგულებაში იმყოფება.
სამეფო კლუბის ფეხბურთელმა ტრავმა ახლახანს მოიშუშა და მზად არის, უელსის ნაკრების მაისური მეასედ მოირგოს. მიმდინარე სანაკრებო პაუზის დროს, ბრიტანელები მსოფლიო ჩემპიონატის საკვალიფიკაციო ეტაპის ფარგლებში 2 შეხვედრას ჩაატარებენ, შესაბამისად, ბელორუსიისა და ბელგიის ნაკრებების წინააღმდეგ. ამ ეტაპისათვის, ისინი E ჯგუფში მე-3 პოზიციაზე იმყოფებიან და ყატარის ტურნირზე მოხვედრის დიდებული შანსი გააჩნიათ.
ბეილის დამოკიდებულაბზე საკუთარი ქვეყნის ნაკრების მიმართ, საინტერესო ისტორია გაიხსენა მისმა აგენტმა, ჯონათან ბარნეტმა: „როდესაც გარეთს პირველად შევხვდი, ვუთხარი, რომ კარგი შესაძლებლობა ჰქონდა ინგლისის დროშის ქვეშ ასპარეზობისა, რაზეც მან მომიგო: „თუ კიდევ იტყვი მსგავს რამეს, ჩემი წარმომადგენელი აღარ იქნები.“
„ის უბრალოდ ფანატიკოსი უელსელია და მუნდიალის საგზურის მოპოვება, გვირგვინის დადგმა იქნება მისთვის.“
MARCA
- 10 ნოემბერი 2021
- 469
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
