ანჩელოტი:„„ბარსა“ რთულ სიტუაციაშია, მაგრამ ჩავი დიდი ავტორიტეტი გახლავთ“
კარლო ანჩელოტიმ „რაიო ვალეკანოსთან“ საკმაოდ რთულად მოგებული მატჩის შემდეგ პრესკონფერენცია გამართა...
„მიუხედავად იმისა, რომ თამაში ძალიან კარგად დავიწყეთ და პირველ ტაიმში შესანიშნავი მომენტები გვქონდა, მეორე ტაიმში ჩვენი გამარჯვება საფრთხის ქვეშ დადგა. მესამე ბურთის გატანის შემთხვევაში ინტრიგა აღარ იქნებოდა, თუმცა ვერ გავიტანეთ და ყველაფერი შეიცვალა. ბედნიერი ვარ, რომ ბოლო წუთების არასტაბილური თამაშის მიუხედავად 3 ქულა ჩავიწერეთ აქტივში.“
„ვინისიუსი ფრთიდან შესანიშნავად უტევდა, ის კიდევ უფრო უმატებს, რაც ძალიან მახარებს და მაიმედებს. ბენზემას გარკვეულ მომენტებში მეტი შეეძლო, თუმცა ყოველთვის ყველა მომენტს ვერ გამოიყენებს.“
„აზარს სათამაშოდ მხოლოდ 10 წუთი მივეცი, რაც მატჩის პერიპეტიებიდან გამომდინარეობდა. ჩვენ გვჭირდება უფრო უკეთესი დაცვა და სტაბილური თამაში უკანა ხაზში, ვიდრე წინ.“
„„ბარსელონაზე“ საუბარი ჩემთვის რთულია, პატივს ვცემ ამ გუნდს და ჩავი ერნანდესს. ახლა საკმაოდ რთულ სიტუაციაში არიან, არ ვიცი რა ეშველება ახლანდელ სატურნირო მდგომარეობას, მაგრამ ვფიქრობ, რომ ჩავი ბევრ რამეს შეცვლის. ახლა ჩვენს შორის სხვაობა 10 ქულაა, რაც თავისთავად ბევრ რამეზე მეტყველებს.“
„მარკო ასენსიოს თამაშით კმაყოფილი ვარ. „მალიორკასთან“ ჰეთ-თრიკის შემდეგ მას გოლი აღარ გაუტანია, მაგრამ დღეს კროოსს გაატანინა და შეტევაში ხშირად იყო ეფექტური. მარკო ასევე შესანიშნავად კომბინირებს კარვახალთან და ვინისთან.“
„კონკურენცია საკმაოდ მაღალია. თუ გინდა, რომ ლა ლიგის უპირობო გამარჯვებულად იქცე, 38 თამაშში 100 ქულაზე მაინც უნდა იფიქრო, აქედან გამომდინარე, „ბარსას“ დღესაც კი აქვს შანსები, თუმცა კონკურენტებს სხვა გუნდებიც წარმოადგენენ.“
- 7 ნოემბერი 2021
- 1293
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
