კაზემირო:„ძალიან გაბრაზებული და იმედგაცრუებული ვარ“
კაზემირომ „შერიფთან“ დაპირისპირება შეაფასა და განაცხადა, რომ მის გუნდს არ გაუმართლა...
„ძალიან გაბრაზებული და იმედგაცრუებული ვარ. სწორედ ეს არის ფეხბურთი, მთელი მატჩის მანძილზე უამრავი შეტევა შევქმენით და კარში 20-ზე მეტჯერ დავარტყით, მეტოქემ კი 2-ჯერ შეგვიტია და 2 გოლი გაგვიტანა. ეს არის უსამართლობა, მაგრამ მიზეზს სხვას ვერ დავაბრალებთ. რადგან წავაგეთ, ესეიგი ჩვენი ბრალია, ამიტომ უფრო მეტი მობილიზება და დაცვითი ასპექტების გაუმჯობესება გვმართებს.“
„როდესაც „რეალის“ ღირსების დამცველი ხარ, ყოველთვის გამარჯვებაზე უნდა იფიქრო. ეს გერბი გაიძულებს, რომ საუკეთესო ფეხბურთი ითამაშო. ჩვენ ლა ლიგაში პირველ პოზიციას ვიკავებთ, ჩემპიონთა ლიგის ჯგუფში კი კიდევ 4 დაპირისპირება გვაქვს გასამართი, სადაც ყველაფერს შევცვლით და სიტუაციას სასიკეთოდ გამოვასწორებთ.“
„თამაშს მთლიანად ვაკონტროლებდით, მაგრამ საბოლოო შედეგს ვერაფერს მოვუხერხებთ. შეცდომების გაანალიზება და გაცილებით ეფექტურად გამოსვლა გვმართება. ამ სეზონში გვქონდა როგორც კარგი, ასევე ცუდი დაპირისპირებები.“
- 29 სექტემბერი 2021
- 863
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
