„რეალმა“ „ბაიერნის“ ვარსკვლავის დამატება გადაწყვიტა!
ესპანური გამოცემების ცნობით, მადრიდის „რეალი“ უკვე ამზადებს იმ წინადადებას, რომლითაც 2022 წლის იანვარში მიუნხენის „ბაიენრის“ ვარსკვლავს, ლეონ გორეტსკას მიმართავს...
მას შემდეგ, რაც გორეტსკამ „რეკორდმაისტერს“ უარი კიდევ ერთხელ უთხრა და ახალ კონტრაქტზე საუბარი დასრულდა, „რეალი“ განსაკუთრებულ აქტიურობას გეგმავს.
გავრცელებული ინფორმაციით, იანვარში ფლორენტინო პერესის წარმომადგენლობა მოთამაშის აგენტს, იორგ ნოიბაუერს შეხვდება და ტრანსფერის დეტალებს გააცნობს.
„ბლანკოსი“ მზად არის, გორეტსკას წლიურად 10 მილიონი ევრო გადაუხადოს, ეს სწორედ ის თანხაა, რასაც გერმანელი ნახევარმცველი „ბაიერნს“ სთხოვდა, თუმცა უარი მიიღო.
გარდა ამისა, უფასოდ გადმოსვლის შემთხვევაში, ლეონი ერთჯერად სატრანსფერო ბონუსს მიიღებს 17 მილიონის სახით, რაც ფეხბურთელისთვის დამატებითი მოტივაციაა.
მადრიდში თვლიან, რომ გორეტსკაზე იანვრიდან ნამდვილი ნადირობა გამოცხადდება, ვინაიდან მისი უფასოდ დამატება ყველა კლუბს სურს, ამიტომ „რეალმა“ ყველას უნდა დაასწროს და ფეხბურთელთან შეთანხმება მაშინვე გააფორმოს, როგორც კი მოთამაშეს ამის სამართლებრივი საფუძველი ექნება.
- 4 სექტემბერი 2021
- 4562
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
