იმისათვის, რომ ვინისიუს ჟუნიორმა მწვერვალების დაპყრობა შეძლოს, ბევრი მუშაობა და კარლო ანჩელოტის დავალებების შესრულება მოუწევს. იტალიელ სპეციალისტს ბრაზილიელ ახალგაზრდასთან კონკრეტული მოთხოვნები აქვს.

კარში დარტყმის გაუმჯობესება, მეტი ფიზიკა და ბურთის კონტროლი - სწორედ ეს არის ანჩელოტის მიზანი ვინისიუსთან დაკავშირებით. სამწვრთნელო შტაბში კონკრეტულ პირებს დავალებები უკვე მიღებული აქვთ და ვინის დაბრუნების შემდეგ მუშაობა ინტენსიურ რეჟიმში გადაიზრდება.

კარლო მიიჩნევს, რომ ვინისიუსს დიდი პერსპექტივა აქვს, თუმცა მას განსაკუთრებული მუშაობა მართებს. ანჩელოტი ყველაზე დიდ პრობლემად ჟუნიორის დაარტყმას მიიჩნევს და თვლის, რომ ფეხბურთელს ამ მიმართულებით ძალიან ბევრი აქვს სამუშაო.

ანჩელოტის აზრით, თუ ვინისიუსი კარში დარტყმის კომპონენტს მნიშვნელოვნად ვერ გააუმჯობესებს, მსოფლიო ვარსკვლავი ვერ გახდება. წინახაზელი, რომელიც შედეგიანობის მხრივ მნიშვნელოვნად მოიკოჭლებს, გუნდის ლიდერის სტატუსს ბუნებრივია, რომ ვერ მოირგებს.������� dle 10.1������� ������� ������