ოფიციალურად დადასტურდა, რომ მადრიდის „რეალი“ პრე-სეზონის ფარგლებში „მილანს“ დაუპირისპირდება. გუნდების შეხვედრა 8 აგვისტოს ჩაინიშნა. ესპანური გამოცემების ცნობით, სწორედ ამ დღეს ერთმანეთს „ბლანკოსისა“ და „როსონერის“ პრეზიდენტებიც შეხვდებიან და ისკო ალარკონის საკითხს საბოლოოდ განიხილავენ.

„მილანს“ იმედი აქვს, რომ ნახევარმცველის დამატებას შეძლებს, მადრიდული გრანდის ინტერესში კი რაც შეიძლება მეტი თანხის გამომუშავებაა.

იტალიური გამოცემების ცნობით, „შავ-წითლები“ ისკოს სანაცვლოდ 20 მილიონ ევროზე მეტს არ გადაიხდიან, თუმცა ფლორენტინო პერესი თანხის აღნიშნულ ოდენობაზეც სერიოზულად ფიქრობს, რადგან თვლის, რომ ესპანელმა ნახევარმცველმა დედაქალაქში შესაძლებლობები სრულად ამოწურა.

8 აგვისტოს, ავსტრიაში შესაძლოა ყველაფერს წერტილი დაესვას და ისკოს „მილანში“ გადასვლა გადაწყდეს.������� dle 10.1������� ������� ������