ცნობილია - რამდენი ქომაგი დაესწრება პირველ საშინაო მატჩს
პრიმერა დივიზიონის 2021/2022 წლების სეზონი 14 აგვისტოს აიღებს სტარტს.
გამომდინარე, იქედან, რომ „სანტიაგო ბერნაბეუზე“ სარეკონსტრუქციო სამუშაოები მიმდინარეობს, „რეალის“ ფეხბურთელები საწყის 3 შეხვედრას სტუმრად ჩაატარებენ. „ალავესის,“ „ბეტისისა“ და „ლევანტეს“ შემდეგ, ლა ლიგის მე-4 ტურში, მადრიდელები საშინაო არენაზე „სელტას“ დაუხვდებიან. აღნიშნული დაპირისპირება 14 ან 15 სექტემბერს შედგება.
არსებული ინფორმაციით, თუ ქვეყანაში ეპიდემიოლოგიური სიტუაცია უარესობისკენ არ შეიცვალა, „რეალი“ დაახლოებით 50 ათასი გულშემატკრის წინაშე მიიღებს ვიგოელებს, რაც 2020 წლის 1-ლი მარტის შემდეგ, პირველი პაექრობა იქნება „ბერნაბეუზე.“
როგორც იცით, დაახლოებით წელიწადნახევრის განმავლობაში, „თეთრები“ „ალფრედო დი სტეფანოზე,“ მაყურებლის გარეშე მასპინძლობდნენ მეტოქეებს.
AS
- 12 ივლისი 2021
- 830
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
