მადრიდის „რეალმა“ „ლა მასიას“ ერთ-ერთი ვარსკვლავი გადაიბირა.

AS-ის ინფორმაციით, „რეალ მადრიდ კასტილიას“ ღირსებას ხაუმე ჟარდი დაიცავს, რომელიც განვლილ სეზონში „ბარსელონას“ ასაკობრივი გუნდის კაპიტანი და მთავარი დამრტყმელი ძალა გახლდათ. 19 წლის თავდამსხმელი კატალონიური გრანდის აკადემიაში 2016 წლიდან ირიცხებოდა. მან განვლილ სეზონში 9 შედეგიან დარტყმასა და 3 საგოლე გადაცემას მოუყარა თავი.

აღსანიშნავია, რომ ჟარდის მიმდინარე ზაფხულს ამოეწურა კონტრაქტი „ბარსასთან,“ თუმცა მას გახანგრძლივება არ შეთავაზეს, რითაც მადრიდელებმა ისარგებლეს. ხაუმე 14 ივლისიდან შეუერთდება რაულის კოლექტივს.