სამეფო კლუბის ფეხბრთელებმა პრე-სეზონის მეორე ვარჯიში (დილის) ჩაატარეს.

მადრიდისტებმა სესია სატრენაჟორო დარბაზში დაიწყეს, ხოლო შემდეგ მოედანზე გავიდნენ და სხვადასხვა ფიზიკური სავარჯიშოებით დაკავდნენ, რასაც მოჰყვა ტაქტიკური დავალებები, ბოლოს კი, მინი მატჩიც გამართეს.

კარვახალი და ლუკას ვასკესი ინდივიდუალური პროგრამით გაისარჯნენ. მთავარ ჯგუფთან ერთად არ უმუშავიათ არც მენდისა და ოდეგარს. ისინი მხოლოდ დარბაზში ასრულებდნენ მწვრთნელის მითითებებს.

რაც შეეხება ისკოს, მალაგელი ნახევარმცველს არც დღევანდელ პროცესში მიუღია მონაწილეობა.

სამეფო კლუბის წევრები 20:00 (თბ. დროით) საათზე მეორე სესიას დაიწყებენ.