44 დღიანი პაუზის შემდეგ, მადრიდის „რეალმა“ ვარჯიში განაახლა. გუნდმა ოფიციალურად დაიწყო 2021/2022 წლების პრესეზონი.

ანჩელოტის შეგირდებმა სესია ფიზიკური სავარჯიშოების ციკლით დაიწყეს. შემდეგ აქცენტი გაკეთდა ბურთზე (ფლობა და პრესინგი), ხოლო ბოლოს მინი მატჩიც ჩაატარეს. გასახდელში გასვლამდე, მოთამაშეები ორ ჯგუფად გაიყვნენ და ინტენსიურად ირბინეს.

კარვახალი და ლუკას ვასკესი ინდივიდუალური პროგრამით ირჯებოდნენ, მენდი კი სატრენაჟორო დარბაზში მუშაობდა. რაც შეეხება ისკოს, ოჯახური მიზეზების გამო, თანაგუნდელებთან ერთად მონაწილეობა არ მიუღია პირველ ღონისძიებაში.