მომდევნო კვირა მადრიდში აქტიური იქნება
გარდა იმისა, რომ მადრიდის „რეალი“ პრე-სეზონს იწყებს, კლუბის ხელმძღვანელობა ფეხბურთელებთან ურთიერთებობს აწესრიგებს...
ესპანური გამოცემების ცნობით, ნაჩო ფერნანდესთან შეთანხმება მომდევნო კვირაში ოფიციალურად დადასტურდება. ესპანელი მცველი 3 წლიან განახლებას მოაწერს ხელს, რაც მის მადრიდში დარჩენას 2024 წლის 30 ივნისამდე გაითვალისწინებს.
ასევე მომდევნო კვირაში გაანონსდება დავიდ ალაბას პრეზენტაციის თარიღი და 99%-ით გადაწყვეტილია, რომ ის სერხიო რამოსის 4 ნომრიან მაისურს მოირგებს.
ლეგენდარული კაპიტანი მადრიდელთა რიგებში აღარ ირიცხება, თუმცა მადრიდისტებისთვის მაინც საინტერესოა, რომ სერხიოს მომავალი კლუბიც დიდი ალბათობით მომდევნო კვირაში გახდება ცნობილი.
ასევე ვრცელდება ინფორმაცია, რომლის მიხედვითაც, მომდევნო კვირაში სიახლე შესაძლოა ბენზემას შესახებაც შევიტყოთ. ფრანგი მადრიდში ივლისის ბოლომდე არ დაბრუნდება, თუმცა ცნობილი ხდება, რომ ხელმძღვანელობასთან კავშირზეა და ახალ კონტრაქტზე აწარმოებს მოლაპარაკებებს, რომელიც მის ესპანეთში დარჩენას 2023 წლის 30 ივნისამდე გაითვალისწინებს.
მომდევნო კვირაში მნიშვნელოვან ინფორმაციებს ელიან რაფაელ ვარანთან დაკავშირებითაც. ფლორენტინო პერესმა ფრანგ მცველს მოსაფიქრებელი ვადა 10 ივლისამდე დაუწესა.
- 4 ივლისი 2021
- 2792
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
