ბრაზილიელმა ფეხბურთელმა ახალი სტატუსი უკვე მოირგო.

როგორც იცით, 1-ლი ივლისიდან, სერხიო რამოსი თავისუფალი აგენტი გახდა, რაც იმას ნიშნავს, რომ ანდალუსიელი ფეხბურთელი "რეალის" რიგებიდან ამოირიცხა. შესაბამისად, უკვე ოფიციალურად, შემადგენლობის პირველი კაპიტნის ტიტული მარსელოს ერგო.

"ბლანკოსის" განაპირა მცველმა სოციალური ქსელის მეშვეობით უკვე აუწყა გულშემატკივრებს სამკლავურის მიღების ამბავი (იხ.სურათი):

განვლილი სეზონის მეტად უსახურად ჩატარების შემდეგ, რიგი გამოცემები მარსელოს წასვლას წინასწარმეტყველებდნენ, თუმცა აღნიშნული ფაქტიდან გამომდინარეც, უკვე თამამად შეიძლება იმის თქმა, რომ განაპირა მცველი მადრიდში დარჩება და კონტრქტს ბოლომდე შეასრულებს. მას გაისად ეწურება მოქმედი ხელშეკრულება.

მარსელოს დიდი გარჯის გაღება მოუწევს სასტარტო შემადგენლობაში დასაბრუნებლად. მისი კონკურენტი მენდი საკმაოდ სტაბილურად გამოიყურება.

DC������� dle 10.1������� ������� ������