ევროპის ჩემპიონატის მერვედფინალურ შეხვედრაში, საფრანგეთის ეროვნულმა ნაკრებმა შვეიცარიული ბარიერი ვერ დაძლია.

ბუქარესტრში გამართული თამაში საკმაოდ დრამატული და საინტერესო გამოდგა. აღსანიშნავია, რომ ძირითად დროსა და ექსტრა ტაიმებში (3-3) გამარჯვებულის გამოვლენა ვერ მოხერხდა, რის შემდეგაც პენალტების სერია დაინიშნა. საბოლოოდ, კილიან მბაპეს გაცუდებული თერთმეტმეტრიანის წყალობით, პეტკოვიჩის შეგირდებმა 1/4 ფინალის საგზური მოიპოვეს, სადაც ესპანელებს შეერკინებიან.

განვლილ პაექრობაში ერთ-ერთი გამორჩეული იყო კარიმ ბენზემა. ამ უკანასკნელმა, როდესაც „მამლები“ მინიმალური ანაგრიშით მარცხდებოდნენ (0-1), 2 წუთში მოახერხა დუბლის შესრულება და გუნდის წინ გაყვანა. დეშამმა „რეალის“ გოლეადორი 94-ე წუთზე ჟირუთი ჩაანაცვლა.

რაც შეეხება რაფაელ ვარანს, მან შეუცვლელად ითამაშა, თუმცა საკმაოდ არასახარბიელოდ.������� dle 10.1������� ������� ������