მარტინესი: „აზარზე ძალიან ვნერვიულობდი“
ბელგიის ეროვნული ნაკრების მთავარმა მწვრთნელმა რობერტო მარტინესმა, ედენ აზართან დაკავშირებით ისაუბრა.
„ვაღიარებ, რომ ძალიან ვნერვიულობდი, ვინაიდან ედენი ბედნიერად ვერ გრძნობდა თავს. მისი ჯანმრთელობის მდგომარეობა ისეთ ნიშნულზე ვერ იყო, როგორიც ბოლო 15 წლის განმავლობაში, რაც ძალიან რთულია.“
„მას არასდროს აწუხებდა ტრავმები, როდესაც საფრანგეთის ჩემპიონატში ბურთაობდა. პრემიერ ლიგაშიც მხოლოდ 20 შეხვედრის გამოტოვება მოუხდა 8 სეზონის განმავლობაში.“
„ვერ წარმოიდგენთ, თუ როგორ ველოდებოდით მის სრულფასოვან დაბრუნებას. როდესაც ის განვლილი წლის მარტში ვნახე, ძალიან განაწყენებული დავრჩი. იქედან მოყოლებული, აზარმა ყველაფერი გააკეთა, რომ მძიმე პერიოდი დაეძლია.“
„ფეხბურთელმა ფინეთის წინააღმდეგ შეუცვლელად იასპარეზა და დიდხნიანი პაუზის შემდეგ, პირველად ვნახე მისი ღიმილიანი გამომეტყველება. ის კვლავ ბედნიერია, რაც ბელგიის ეროვნული ნაკრებისთვის უაღრესად ნიშანდობლივია.“
marca
- 26 ივნისი 2021
- 790
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
