რას ნიშნავს „რეალისათვის“ ქომაგების სტადიონზე დაბრუნება?
როგორც გაუწყეთ, ახალი სეზონიდან, ესპანეთის ჩემპიონატის მატჩები გულშემატკივრების თანდასწრებით ჩატარდება.
ქომაგების ყოფნა სტადიონზე მნიშვნელოვანია არა მხოლოდ სპორტული, არამედ ფინანსური თვალსაზრისითაც. ისეთი დიადი კლუბისთვის, როგორიც „რეალია,“ თითოეული შეხვედრის საშინაო არენაზე გამართვა გარკვეული შემოსავლების მიღებასთან არის დაკავშირებული. უფრო დეტალურად, „სანტიაგო ბერნაბეუზე“ ერთ კონკრეტული პაექრობა, კლუბის ბიუჯეტისთვის დაახლოებით 5 მილიონ ევრომდე მოგებას ნიშნავს, ხოლო სეზონის განმავლობაში, აღნიშნული მონაცემი 110-150 მილიონი ევროს ფარგლებში მერყეობს.
აღნიშნული თანხების გამომუშავება ხდება ბილეთების, VIP სივრცეების, სტადიონის ტურის, სხვადასხვა სასმელების, საკვების, მაისურებისა და კლუბის ატრიბუტიკის გაყიდვით.
მაშასადამე, მადრიდში მიესალმებიან ესპანეთის მთავრობის გადაწყვეტილებას. კლუბს ერთ-ერთი მნიშვნელოვანი შემოსავლის წყარო უბრუნდება.
- 24 ივნისი 2021
- 857
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
