La Gazzetta - ანჩელოტი ინფორმირებულია
როგორც ჩანს, რაფაელ ვარანის 10 წლიანი მადრიდული კარიერა მართლაც დასასრულს უახლოვდება.
La Gazzetta-ს ინფორმაციით, მადრიდის „რეალმა“ უკვე შეატყობინა კარლო ანჩელოტის, რომ ახალი სეზონიდან მის განკარგულებაში ფრანგი ცენტრალური მცველი აღარ იქნება. „ორიანი“ უარს აცხადებს კლუბთან ახალი კონტრაქტის გაფორმებაზე და შესაბამისად, „თეთრებს“ ისღა დარჩენიათ, რომ მიმდინარე ზაფხულს სარფიანად გაასხვისონ ის.
სერხიო რამოსის შემდეგ, რაფა ვარანის წასვლით, სამეფო კლუბის დაცვით ხაზს დიდი ზიანი მიადგება. ჯერ-ჯერობით უცნობია, აპირებენ თუ არა მადრიდელები უკანა ხაზის გაძლიერებას. კუნდე, პაუ ტორესი, როჯერ იბანიესი და სოიუნჯო ის მოთამაშეები არიან, რომელთა მომავალსაც ესპანურ გრანდს უკავშირებენ.
თუ მოვლენები აღნიშნული სცენარით განვითარდა, ანჩელოტის განკარგულებაში შემდეგი ცენტრალური მცველები რჩებიან: მილიტაო, ალაბა, ნაჩო და ხესუს ვალეხო. რამდენად შეძლებს „რეალი“ ამ რესურსით ფონს გასვლას, ნამდვილად რთული საკითხია.
- 24 ივნისი 2021
- 981
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
