„რომას“ 22 წლის მცველი, როჯერ იბანიესი საკმაოდ სტაბილური და დიდი პერსპექტივის მქონე ფეხბურთელის შთაბეჭდილებას ტოვებს. მიუხედავად იმისა, რომ იტალიური კლუბის ახალი მთავარი მწვრთნელი, ჟოზე მოურინიო ფეხბურთელის გაყიდვის კატეგორიული წინაარმდეგია, „რეალი“ „რომასთან“ მოლაპარაკებების წარმართვას მაინც გეგმავს.

სამხრეთ-ამერიკელი ცენტრალური მცველი რომაული კლუბის რიგებში განსაკუთრებული სტაბილურობით გამოირჩევა, ის მხოლოდ სერია „ა“-ს გასულ სეზონში 30-ჯერ გამოჩნდა მოედანზე, ასევე იასპარეზა ევროპალიგასა და სხვა ტურნირებზე.

იბანიესი 186 სანტიმეტრია და მეორე სართულზეც მშვენივრად თამაშობს, მას „რომასთან“ კონტრაქტი 2023 წლის ზაფხულამდე აქვს გაფორმებული.

ფეხბურთელის ფასი ამ ეტაპზე 25-იდან 30 მილიონ ევრომდე მერყეობს.

როჯერი „რომაში“ „ატალანტადან“ მოხვდა, მანამდე კი ბრაზილიის ჩემპიონატში, კერძოდ კი „ფლუმინენსეში“ გამოდიოდა და სწორედ იქ გადადგა პირველი ნაბიჯები.������� dle 10.1������� ������� ������