გუშინ, ევროპის ჩემპიონატისა და კოპა ამერიკის მეორე ტურის მორიგი შეხვედრები გაიმართა, რომელშიც მადრიდისტებმა მიიღეს მონაწილეობა.

ბელგიის ეროვნულმა ნაკრებმა საკმაოდ დაძაბულ ბრძოლაში 1-2 სძლია დანიელებს. კურტუა საწყისი წუთებიდან იცავდა „წითლების“ კარს, ხოლო ედენ აზარი 59-ე წუთზე ჩაერთო საქმეში და არცთუ ისე ურიგოდ. „რეალის“ ნახევარმცველმა გამარჯვების გოლი გაატანინა დე ბრუინს. აღნიშნული მოგებით ბელგიელებმა 1/8 ფინალის საგზური გაინაღდეს.

ავსტრიის ნაკრებმა 2 უპასუხო გოლი გაუშვა ჰოლანდიელებისგან. დავიდ ალაბამ, რომელიც გუნდის კაპიტანია, 90 წუთი გაატარა მოედანზე. ის ცენტრალური მცველის პოზიციაზე ირჯებოდა და მე-10 წუთზე მსაჯისგან ყვითელი ბარათიც დაიმსახურა. ავსტრიელებისათვის ბოლო ტურში, უკაინელებთან მატჩი მეტად მნიშვნელოვანია. მათ ჯგუფიდან გასვლის კარგი შანსი აქვთ.

კოპა ამერიკას მეორე სათამაშო დღეს, ბრაზილიამ გამანადგურებელი ანგარიშით დაამარცხა პერუ (4-0). ედერ მილიტაომ შეუცვლელად იასპარეზა, ხოლო კაზემირო სათადარიგოდან არ წამომდგარა.������� dle 10.1������� ������� ������