სულ რაღაც 72 დღეში, ედერ მილიტაო კლუბისა და ეროვნული ნაკრების შეუცვლელ ფიგურად ჩამოყალიბდა.

ჯერ კიდევ 2 აპრილს, მადრიდის „რეალში“ ბრაზილიელი ფეხბურთელის გაყიდვაზე ფიქრობდნენ. ცენტრალურ მცველი, რომლის შესაძლებლობებშიც 2019 წელს 50 მილიონი ევრო ჰქონდა გადახდილი პერესს, იმ მომენტისათვის მხოლოდ 7 ჩატარებული შეხვედრით შემოიფარგლებოდა და სიტუაცია რომ არ შეცვლილიყო, ალბათ, ედერს კოპა ამერიკაზეც არ მიეცემოდა თავის გამოჩენის საშუალება.

როგორც იცით, გუნდში არსებული საკადრო პრობლემებიდან გამომდინარე, ზინედინ ზიდანმა დასახმარებლად სწორედ მილიტაოს უხმო და ამ უკანასკნელმაც მოლოდინები გაამართლა. განვლილი სეზონის მიწურულს, ის ერთ-ერთი საუკეთესო იყო სამეფო კლუბის შემადგენლობა, ითამაშა რა მიჯრით უკანასკნელი 14 მატჩი, საიდანაც „თეთებმა“ 8 მოიგეს, 5-ჯერ ფრე გააგოროს და მხოლოდ ერთხელ იწვნიეს მარცხი. ამასთანავე, 7 შემთხვევაში კარის მშრალად შენახვა მოახერხეს.

აღნიშნულის წყალობით, 2021 წლის დასაწყისთან შედარებით, მილიტაოს სატრანსფერო ღირებულებამ 10 მილიონი ევროთი მოიმატა და ამჟამად 40 მლნ.-ს შეადგენს. Transfermarkt-ის მონაცემებით, ის „რეალის“ შემადგენლობაში მე-5 ყველაზე ძვირადღირებული მოთამაშეა (ვალვერდეს, კურტუას, კაზემიროს, ვარანისა და მენდის შემდეგ).������� dle 10.1������� ������� ������