La Gazzetta - „ნაპოლი“ ფაბიან რუისში 50 მილიონს ითხოვს
2019 წლიდან მოყოლებული, ფაბიან რუისი ფლორენტინო პერესის რადარზეა, მაგრამ ტრანსფერის გაჩარხვას ხელს სხვადასხვა გარემოება უშლიდა. ახლა მადრიდში სხვა ვითარებაა, ასაკის მატების გამო ფეხბურთელებს შემცვლელები ესაჭიროებათ.
ფლორენტინო პერესი რუისის კანდიდატურას კვლავ განიხილავს. ფაბიანი ესპანეთის ნაკრების წევრიც გახლავთ და სერია „ა“-შიც მშვენივრად ასპარეზობს.
La Gazzetta Dello Sport-ის ინფორმაციით, „ნაპოლი“ ნახევარმცველის სანაცვლოდ 50 მილიონ ევროს ითხოვს და თუ პერესი ამ თანხას გადაიხდის, ტრანსფერის ალბათობა გაიზრდება.
მიმდინარე სეზონში რუისმა იტალიის ჩემპიონატის 32 მატჩში მიიღო მონაწილეობა, ხოლო ევროპალიგაზე 8-ჯერ წარდგა ქომაგების წინაშე. ის ნეაპოლური კლუბის უცვლელ წევრად ითვლება.
25 წლის ფეხბურთელს „ნაპოლისთან“ 5 წლიანი კონტრაქტი აკავშირებს, რომელსაც ვადა 2023 წლის 30 ივნისს ეწურება.
- 22 მაი 2021
- 606
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
