ზინედინ ზიდანმა „ბილბაოსთან“ მატჩის შემდეგ პრესკონფერენცია გამართა და განაცხადა, რომ ლა ლიგის 38-ე ტურში ვითარება შესაძლოა შეიცვალოს.

„დღევანდელი საღამო იყო კიდევ ერთი გამოძახილი იმისა, რომ გადაწყვეტილი არაფერია. „ატლეტიკო“ და „რეალი“ პარარელურად თამაშობდნენ, ჩვენ ვიგებდით, ისინი კი აგებდნენ, თუმცა საბოლოო ჯამში სხვაობა არ შეცვლილა. დიახ, სიმეონეს გუნდმა მძიმე მატჩი მოიგო, ჩვენ კი გაჩერებას არ ვაპირებთ, „ვილიარეალს“ აუცილებლად დავამარცხებთ და პირველ ადგილზე გადასვლას ვეცდებით.“

„ჩემს მომავალზე საუბარს ახლა არ ვაპირებ. ერთადერთი საზრუნავი ლა ლიგის ბოლო ტურის მოგებაა, რასაც შესაძლოა ტურნირის მოგებაც მოჰყვეს. მომავალზე საუბრის დრო შემდეგ მოვა.“

„მიუხედავად მრავალი სირთულისა, „რეალი“ ბრძოლაში რჩება. ახლა უკვე ნათელია, რომ თასი „ატლეტიკოსა“ და „ბლანკოსს“ შორის გათამაშდება.“

„ნაჩო მადრიდის „რეალისთვის“ ყოველთვის ძალიან ბევრს აკეთებდა და დღემდე ასეა. ყველამ უნდა დააფასოს ესპანელი ფეხბურთელის ღვაწლი „მერენგების“ წარმატებაში.“

„აზარი სათადარიგოთა სკამზე დავტოვე, მას არანაირი პრობლემა არ ჰქონდა, მაგრამ ჩავთვალე, რომ ბელგიელის გამოყენება მეორე ტაიმში უფრო სასარგებლო იქნებოდა“.

„მსაჯებზე საუბარს არ ვაპირებ, ამ პოლემიკაში არ შევალ, არც თერთმეტმეტრიანთან და არც პასიურ თამაშგარესთან დაკავშირებით.“

„ფეხბურთელებთან შესაძლო წასვლასთან დაკავშირებით არაფერი მითქვმას, ეს სულელური საქციელი იქნებოდა. ახლა მათი ყურადღება მხოლოდ ჩემპიონატის მოგებაზე უნდა იყოს გამახვილებული.“

„რაული? თუ ის როდესმე „რეალის“ მწვრთნელი გახდება, მე მას აუცილებლად მივულოცავ და საუკეთესოს ვუსურვებ.“������� dle 10.1������� ������� ������