რონსერო:„ზიდანი „რეალს“ ტოვებს, ის ბერნაბეუს მუზეუმში ძეგლს იმსახურებს“
ტომას რონსეროს განცხადებით, სეზონის ბოლოს მადრიდის „რეალიდან“ ზინედინ ზიდანის წასვლა გადაწყვეტილია. ფრანგმა ლეგენდამ აღნიშნული გადაწყვეტილება აცნობა, როგორც ფეხბურთელებს, ასევე პრეზიდენტ პერესსა და დირექტორთა საბჭოს....
„დროის გასვლასთან ერთად მადრიდის „რეალის“ ქომაგები კიდევ უფრო მეტად დააფასებენ იმ ღვაწლს, რომელიც ზინედინ ზიდანს „ბლანკოსის“ მიმართ აქვს. გარდა იმისა, რომ ფრანგმა ლეგენდამ ზედიზედ სამჯერ შეძლო ჩემპიონთა ლიგის მოგება, მან საოცარი ეპოქა შექმნა და ქომაგებს უდიდესი სიამოვნება მიანიჭა.“
„გუნდში დაბრუნების შემდეგ ზიზუმ ერთხელ უკვე შეძლო ლა ლიგის მოგება და ახლაც ახლოს არის ტრიუმპთან. არ აქვს მნიშვნელობა რა შედეგებით დასრულდება წლევანდელი რთული სეზონი. ფაქტი ის არის, რომ ზინედინი გუნდისთვის ბევრს აკეთებს და ფაქტობრივად შეუძლებელ შედეგებს აღწევს. ამდენი ტრავმის, კოვიდ პანდემიის და უამრავი პრობლემის მიუხედავად „ბლანკოსი“ ლიდერს 2 ქულით ჩამორჩება და ჩემპიონობის შანსს ინარჩუნებს.“
„მე ვთვლი, რომ სამეფო კლუბის მუზეუმში ზიზუს ძეგლი უნდა დაუდგან, ეს ადამიანი ისტორიაში შთამბეჭდავად ჩაეწერა.“
- 16 მაი 2021
- 1279
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
