ზიდანი:„4 ფინალი დაგვრჩა, ჩვენ გვჯერა ჩემპიონობის“
ზინედინ ზიდანმა „სევილიასთან“ მატჩის წინ პრესკონფერენცია გამართა და მრავალი საკითხი მიმოიხილა. ფრანგმა ფეხბურთელმა საკუთარი მომავალზე, ედენ აზარზე, სერხიო რამოსის ტრავმასა და სხვა საინტერესო თემაზე ისაუბრა.
„დარწმუნებული ვარ, ურთულესი თამაში გველის. წლევანდელ სეზონში „სევილია“ საოცარ ფეხბურთს თამაშობს. მჯერა, რომ „ჩელსისგან“ განსხვავებული მატჩი უნდა ჩავატაროთ. ჩემმა ბიჭებმა დავალება უკვე მიიღეს, დანარჩენს კი მოედანზე ვნახავ. წინ 4 გადამწყვეტი დაპირისპირება გველის.“
„საჭიროა მუდმივი მუშაობა, მუშაობა და მუშაობა და არა „ბლა, ბლა, ბლა“, მერწმუნეთ, მხოლოდ კრიტიკით და უაზრო განცხადებების კეთებით შედეგს ვერ მივაღწევთ. როგორც გამარჯვებაზე, ასევე წაგებზე პასუხისმგებლობას ვიღებ და ჩემ როლს ვაცნობიერებ.“
„ვფიქრობ, რომ გუნდისთვის ბევრი რამის გაკეთება შემიძლია, როგორც კი მივხვდები, რომ სათანადო დონეზე ვერ ვდგავარ, კარს გავიხურავ. თუ ეს მოხდება, რა თქმა უნდა დავტოვებ მთავარი მწვრთნელის პოსტს.“
„ფეხბურთელების ტრავმები რა თქმა უნდა შემაშფოთებელია. ჩვენმა მოთამაშეებმა სეზონის მანძილზე 60-მდე დაზიანება მიიღეს, რაც დასაფიქრებელია, თუმცა თავისი ობიექტური მიზეზებიც აქვს. კორონავირუსი, კალენდარი, სტრესი და ასე შემდეგ. დიდი იმედი მაქვს იმისა, რომ მომდევნო სეზონში სულ სხვა რეალობა იქნება და მოთამაშეებს ნორმალური პრე-სეზონის გავლა მოუწევთ.“
„აზარმა ბოდიში მოიხადა და ვთვლი, რომ ეს სამაგალითო საქციელია. ედენთან პირადი საუბარი მქონდა და საკითხი დაიხურა. არავინ უნდა ჩათვალოს, რომ ლონდონში ის კარგ ხასიათზე იყო, წინახაზელი უბრალოდ ძველ მეგობრებს ესაუბრებოდა.“
„დიდ იმედს გამოვთქვამ, სერხიო რამოსი მიმდინარე სეზონში კიდევ შეძლებს გუნდის დახმარებას, თუმცა დანამდვილებით შემიძლია გითხრათ, რომ ანდალუსიური კლუბის წინააღმდეგ ვერ დაგვეხმარება.“
„ჩემპიონთა ლიგა უნდა დავივიწყოთ და მხოლოდ ლა ლიგის მატჩებზე ვიფიქროთ. წინ 4 ფინალია, ჩემპიონობასთან ახლოს ვართ და ეს შანსი უნდა გამოვიყენოთ.“
- 8 მაი 2021
- 3168
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
