ნეიმარი:„იმედი მაქვს, მბაპე მომბაძავს და ასევე გაახანგრძლივებს“
ბრაზილიელმა ნეიმარმა „პსჟ“-სთან კონტრაქტი 2025 წლის ზაფხულამდე გაახანგრძლივა. პარიზული კლუბის ვარსკვლავმა კონტრაქტს ხელი დღეს, საზეიმო ვითარებაში მოაწერა და ცერემონიის შემდეგ ჟურნალისტებთან ისაუბრა. წინახაზელი კილიან მბაპეს საკითხსაც შეეხო.
„ბედნიერი ვარ, რომ „პსჟ“-ს თავი 2025 წლის ზაფხულამდე დავუკავშირე. ჩვენ გვაქვს ახალი გეგმა და პროექტი, რომელიც მაურისიოსთან ერთად უნდა განხორციელდეს. გვჯერა, რომ მომდევნო სეზონიდან კიდევ უფრო შთამბეჭდავი კოლექტივი გვეყოლება, რომელიც აბსოლუტურად ყველა ტურნირის მოგებაზე გამოაცხადებს პრეტენზიას.“
„ვიმედოვნებ, მბაპე მომბაძავს და ისიც ჩემთან ერთად იბრძოლებს გუნდის წარმატებისთვის. კილიანის და „რეალის“ სამომავლო პარტნიორობის შესახებ ბევრი რამ იწერება, მაგრამ თუ ის ჩვენს გუნდთან ახალ ხელშეკრულებას დადებს, ყველა ჭორს წერტილი დაესმება.
- 8 მაი 2021
- 1382
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
