ზინედინ ზიდანსა და მარტინ ოდეგორს შორის სატელეფონო კომუნიკაცია შედგა. მას შემდეგ, რაც გაირკვა, რომ სეზონის ბოლოს სამეფო კლუბის ხელმძღვანელობა ფრანგი სპეციალისტის გაშვებას არ გეგმავს, მთავარმა მწვრთნელმა მომდევნო სეზონზე ფიქრი და გეგმების დალაგება დაიწყო.

ესპანური გამოცემების ცნობით, ზიზუმ ოდეგორს დაურეკა და უთხრა, რომ პრე-სეზონი სამეფო კლუბთან ერთად უნდა გაატაროს და მოთმინება იქონიოს. ზიზუმ ედერ მილიტაოს სახით მოიყვანა ბრწყინვალე მაგალითი იმისა, თუ რამხელა მნიშვნელობა აქვს მოთმინებას. მილიტაო მთელი სეზონი სათადარიგოთა სკამზე იჯდა, მაგრამ სეზონის გადამწყვეტ ეტაპზე არაერთი შანსი მიიღო და შესანიშნავი შთაბეჭდილებაც დატოვა.

ფრანგი სპეციალისტი ოდეგორს უხსნის, რომ „არსენალში“ არწასვლის შემთხვევაში ის მიმდინარე სეზონშიც ხშირად გამოჩნდებოდა მოედანზე, ვინაიდან კროოსი-მოდრიჩის დუეტის რესურსი ამოწურვადია.

როგორც სჩანს, მარტინს მომდევნო სეზონში კვლავ „რეალში“ ვიხილავთ და დიდი ალბათობით ეს იქნება გარდამტეხი წელი ნორვეგიელი ფეხბურთელისა და „ბლანკოსის“ ურთიერთობაში.������� dle 10.1������� ������� ������