მილიტაო:„ვიცოდი, რომ გოლს გავიტანდი“
ედერ მილიტაომ „ოსასუნასთან“ მატჩის შემდეგ ჟურნალისტებთან ისაუბრა და მატჩის პერიპეტიები შეაფასა.
„პირველ ტაიმში გოლის გატანის ორი შანსი მქონდა. ვგრძნობდი, რომ მეტოქის კარის აღება შემეძლო და მეორე ნახევარში ძალიან ბევრი ვიაქტიურე. „ოსასუნას“ ფეხბურთელები თავს კარგად იცავდნენ და ვიცოდით, რომ ჩვენი ამოცანა ძალიან რთულდებოდა. მიხარია, რომ პირველი გოლი გავიტანე, რამაც მეტოქე გატეხა და ჩვენ უფრო მეტად გახსნის საშუალება მოგვცა.“
„ვფიქრობ, გუნდს სწორი გეზი აქვს და ასე უნდა გავაგრძელოთ. არჩევანს არ გავაკეთებთ, „რეალის“ მიზანი იქნება, როგორც ლა ლიგის, ასევე ჩემპიონთა ლიგის მოგება. ვიცით, რომ ჯერ არაფერი მოგვიგია, ამიტომ ეტაპობრივი წინსვლა უნდა განვაგრძოთ.“
„ის, რომ კარგად ვითამაშე, არამხოლოდ ჩემი, არამედ სხვა ფეხბურთელების დამსახურებაც არის. ფეხბურთი გუნდური სპორტია, სადაც დახმარება გვჭირდება. მიხარია, რომ მოედანზე გასვლის შესაძლებლობა მეძლევა.“
- 2 მაი 2021
- 703
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
