ესპანური გამოცემების ცნობით, ფლორენტინო პერესი ხვდება, რომ კილიან მბაპეს შეძენის გარეშე „რეალი“ აბსოლუტურად კოლაფსთან მივა ალხოს, ვინაიდან თაობათა ცვლის პროცესის უმტკივნეულოდ ჩავლა გამორიცხული იქნება...

რამოსი, მარსელო, კროოსი, მოდრიჩი, ბენზემა - ეს იმ ფეხბურთელთა სიაა, რომლებიც ასაკში არიან და ეტაპობრივად ჩანაცვლებას საჭიროებენ, თუმცა ამ ეტაპზე „რეალი“ არა მათ ჩანაცვლებაზე, არამედ წინა ხაზის გამოცოცხლებაზე ფიქრობს და სხვა ფეხბურთელების გაყიდვა მტკიცედ აქვს გადაწყვეტილი.

პერესი აპირებს, რომ რაფაელ ვარანი 75 მილიონ ევროდ გაყიდოს, ეს გეგმა პრეზიდენტს არ ჰქონდა, თუმცა ფრანგის ურყევი პოზიციის შემდეგ, რომელიც წასვლას უკავშირდება, „ბლანკოსმა“ მისი გაყიდვა გადაწყვიტა.

ასევე გაიყიდება ლუკა იოვიჩიც, რომლის სანაცვლოდაც „რეალი“ დაახლოებით 35 მილიონი ევროს მიღებას გეგმავს.

სამეფო კლუბი აქტიურად განიხილავს მარტინ ოდეგორის გასხვისების საკითხსაც, რომლის ფასი დაახლოებით 50 მილიონი ევროა, მსურველი კლუბი კი ოთხი გახლავთ. მათ შორის არის ამჟამინდელი მფლობელი „არსენალი“, რომელშიც ნორვეგიელი იჯარის წესით თამაშობს.

ასევე იგეგმება დანი სებალიოსის გაყიდვაც, რომელიც ზიდანის გეგმებში არ ჯდება, მისი ფასი საშუალოდ 30-35 მილიონს შეადგენს.

სამეფო კლუბის რიგების დატოვებას აპირებს მარსელო ვიეირაც, რომელიც კარიერას დიდი ალბათობით შეერთებულ შტატებში განაგრძობს და მისი სატრანსფერო ღირებულება 10 მილიონი ევრო იქნება.

პრეზიდენტი პერესი აპირებს, რომ მთელი შემოსავლები კილიან მბაპეს ტრანსფერისკენ მიმართოს და „პსჟ“-ს მოთხოვნები დააკმაყოფილოს. არაოფიციალური ინფორმაცით, „ბლანკოსი“ ფრანგი წინახაზელისთვის დაახლოებით 200 მილიონი ევროს მობილიზებას აპირებს.������� dle 10.1������� ������� ������