პრესტიჟული ევროპული გამოცემები ერთხმად ადასტურებენ Sky Sports-ის და რამდენიმე საფეხბურთო ანალიტიკოსის ინფორმაციას, რომელიც მადრიდის „რეალის“ პირველ ტრანსფერს ეხება.

საფეხბურთო პუბლიკა სამეფო კლუბის ოფიციალურ განცხადებას ელოდება, რომელმაც დავიდ ალაბას გამადრიდელება უნდა დაადასტუროს. გავრცელებული ინფორმაციით, ავსტრიელ ფეხბურთელთან დაკავშირებით ყველა დეტალი ცნობილია.

ალაბა „ბლანკოსთან“ 5 წლიან კონტრაქტს გააფორმებს, რომლის საერთო ღირებულებაც 50 მილიონი ევრო იქნება. (10 მილიონი წლიურად). ამ ხელფასით დავიდი „ბლანკოსის“ ერთ-ერთი ყველაზე მაღალანაზღაურებადი ფეხბურთელი გახდება, რასაც პირველ რიგში ის განაპირობებს, რომ ფლორენტინო პერესს უნივერსალის სანაცვლოდ არცერთი ცენტის გადახდა არ მოუწევს.������� dle 10.1������� ������� ������