„რეალს“ და პერესს უკან დასახევი გზა აღარ აქვთ!
სუპერლიგის ირგვლივ ნამდვილი სკანდალია, ყველაზე დიდი ზეწოლა კი მადრიდის „რეალსა“ და მის პრეზიდენტზე, ფლორენტინო პერესზე მოდის, ვინაიდან ამ პროექტის ერთ-ერტი მთავარი ინიციატორი და ტურნირის პრეზიდენტიც სწორედ პერესია.
„რეალს“ და ფლორენტინოს უკან დასახევი გზა აღარ აქვთ და „ბლანკოსი“ ყველაფერს გააკეთებს ამ იდეის განსახორციელებლად, ვინაიდან „უეფასგან“ სერიოზული სანქციების მოლოდინშია.
„უეფაში“ უკვე დაადასტურეს, რომ ფლორენტინოს პრეზიდენტობის პირობებში მადრიდის „რეალს“ ჩემპიონთა ლიგაზე არ დაუშვებენ. გამოდის, რომ პერესი უდიდესი წნეხისქვეშ ექცევა, მან ან თანამდებობა უნდა დატოვოს, ან კლუბში იმის ხარჯზე დარჩეს, რომ „ბლანკოსი“ ევროსარბიელზე ვერ გამოვიდეს, რასაც ქომაგები არცერთ შემთხვევაში არ დაუშვებენ.
„უეფას“ პრეზიდენტი, ალექსანდრ ჩეფერინი ფლორენტინო პერესსა და ანდრეა ანიელის ღიად უპირისპირდება და სუპერლიგის პროექტის მთავარ ინიციატორობასა და ფეხბურტის მტრობაში ადანაშაულებს.
ესპანური გამოცემების ცნობით, პერესი სიმშვიდეს ინარჩუნებს და თანამდებობის დატოვებას არ გეგმავს, მაგრამ ახლა ყველაფერი ფლორენტინოზე არ არის დამოკიდებული, თუ წევრი გუნდები სუპერლიგის იდეას მხარს აღარ დაუჭერენ, პერესი ყველა ვარიანტში ხელმოცარული დარჩება.
- 20 აპრილი 2021
- 2366
- 22
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
