პრესა „მანჩესტერის“ ვიცე-პრეზიდენტის გადადგომის შესახებ წერს!
მიუხედავად იმისა, რომ მანჩესტერ „იუნაიტედის“ ოფიციალურ ვებ-გვერდს, ვიცე-პრეზიდენტ ედ ვუდვარდის გადადგომის შესახებ ინფორმაცია ჯერ არ გაუვრცელებია, ევროპული პრესა ამ ინფორმაციამ მოიცვა.
სკანდალი კვლავ ევროპის სუპერლიგის შექმნას უკავშირდება. ვუდვარდის გარდა გადადგომის შესახებ ინფორმაცია ანდრეა ანიელსაც უკავშირდება, რომელიც ტურინის „იუვენტუსის“ პრეზიდენტი გახლავთ.
რამდენიმე გამოცემა იუწყება, რომ აღნიშნულმა ტალღამ შესაძლოა სხვა კლუბების პრეზიდენტებიც შეიწიროს და მათ შორის ფლორენტინო პერესიც აღმოჩნდეს.
ახალი ტურნირის შესახებ უახლესი ინფორმაცია ყოველწუთიერად ვრცელდება და ზოგიერთ შემთხვევაში ურთიერთგამომრიცხავიც გახლავთ.
კიდევ ერთხელ უნდა აღინიშნოს, რომ არც „იუვენტუსის“ და არც „იუნაიტედის“ პრეზიდენტთა გადადგომის შესახებ ოფიციალური განცხადება ჯერ-ჯერობით არ არსებობს.
- 20 აპრილი 2021
- 814
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
