ზიდანი: „ეს ჩემი საქმე არ არის“
ზინედინ ზიდანმა „კადისთან“ მატჩამდე პრესკონფერენცია გამართა.
„უკვე 8 თვეა ესპანეთის ჩემპიონობისთვის ვიბრძვით და ბუნებრივია, დანებებას არ ვაპირებთ. ჩვენი მიზანია, რომ მაქსიმალურ მზადყოფნაში შევხდეთ თითოეულ შეხვედრას. ფეხბურთელები მხოლოდ მოსაგებად გამოვლენ მწვანე მინდორზე. ხვალინდელ მატჩს აზარი და კროოსი გამოტოვებენ.“
„გუნდში საკადრო პრობლემებია, თუმცა ამან არ უნდა შეგვაფერხოს. სეზონის ფინიშამდე რამდენიმე ტურიღა არის დარჩენილია და ეს ფაქტი დამატებითი მოტივაციაა ჩვენთვის. საკმაოდ რთული დაპირისპირება გველოდება გუნდთან, რომელიც კარგად იცავს თავს საშინაო არენაზე.“
„მბაპეს ტრანსფერი? თუ პრეზიდენტი დამშვიდების საშუალებას გვაძლევს, მშვიდად უნდა ვიყოთ. კილიანს საკუთარ გუნდში ყოლა ყველას სურს, რადგან ის საოცარი მასშტაბის ფიგურაა.“
„სანაკრებო სანქციებთან დაკავშირებით არაფერი მსმენია. ეს არ არის ჩემი საქმე. გუნდს სხვა მოტივაცია აქვს.“
„აზარი ბოლომდე არ არის მზად და შესაბამისად, განაცხადს მიღმა დარჩება. ჩვენი სიფრთხილით ვეკიდებით მის ჯანმრთელობას. ბელგიელს მაშინ მივცემთ თამაშის საშუალებას, როდესაც ექიმები მწვანე შუქს აგვინთებენ. წინ გადამწყვეტი შეხვედრები გველოდება, მისი როლი მნიშნელოვანია. მთავარია, რომ ედენი თავს კარგად გრძნობს და თავდაუზოგავად მუშაობს.“
„ევროპის სუპერ ლიგასთან დაკავშირებით პრეზიდენტს უნდა მიმართოთ კითხვით, ეს ჩემი საქმე არ არის. აქ იმიტომ მოვედი, რომ „კადისთან“ მატჩზე ვისაუბრო. ყველას თავისი აზრი გააჩნია აღნიშნულ თემაზე.“
„თუ სუპერლიგა შეიქმნება, მე ამ გადაწყვეტილებას სამომავლოდ გავაანალიზებ. როგორც გითხარით, ახლა ერთადერთი საფიქრალი „კადისთან“ თამაშის მოგებაა, რასაც უდიდეს მნიშვნელოვნას ვანიჭებ.“
RealMadrid.Com
- 21 აპრილი 2021
- 2194
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
