კლოპი:„„ლივერპული“ „რეალს“ პირველივე წუთებიდან შეუტევს“
იურგენ კლოპმა „რეალთან“ დაპირისპირების წინ პრესკონფერენცია გამართა...
„უდავოდ უნდა ითქვას, რომ „რეალი“ ჩემპიონთა ლიგაზე ყველაზე გამოცდილი გუნდია და არ მიკვირს, რომ ასეთი შედეგები აქვს ნაჩვენები. გასული კვირის მატჩის შემდეგ ვთქვი და ახლაც გავიმეორებ, რომ ჩვენთვის საშინაო არენის ფაქტორი უმნიშვნელოვანესია. დიახ, ქომაგები მხარს ვერ დაგვიჭერენ, მაგრამ ზუსტად ვიცით, რომ.ლივერპულში საოცარი გარემო შეიქმნება და მათ გვერდში დგომას მაინც ვიგრძნობთ.“
„დიახ, ჩვენ არ გვექნება ხმაურინი სტადიონზე, მაგრამ ჩვენ გვექნება მოტივაცია, შემართება და სურვილი იმისა, რომ ½ ფინალში გავიდეთ. ჩვენს გუნდში დიდი შესაძლებლობების არსენალია, რომელიც აუცილებლად უნდა გამოვიყენოთ.“
„ერთმანეთის წინააღმდეგ ორი დიდი გუნდი ითამაშებს. ჩვენი სტრატეგია არ იცვლება, მუდმივი შეტევა და ბრძოლა გამარჯვებისთვის, დანარჩენს კი მოედანზე ვიხილავთ და ყველა ერთად გავხდებით მომსწრენი იმისა, თუ როგორ განვითარდება მოვლენები.“
„რადგან 3-1 წავაგეთ, გამოდის, რომ ცუდად ვითამაშეთ და მეტოქე გვჯობდა, ახლა კი ყველაფერი უნდა გამოვასწოროთ და „რეალზე“ უკეთესი თამაშის ხარისხი ვაჩვენოთ. ზუსტად ვაცნობიერებთ სირთულეებს, მაგრამ უკან დასახევი გზა არ არის.“
„ბევრი „ქამბექი“ გვახსოვს, მათ შორის „ბარსელონასთან“, როდესაც ჩვენი ალბათ ძალიან ცოტას სჯეროდა, მაგრამ გუნდი გამარჯვებისთვის განეწყო და საოცრება დააფიქსირა. ანალოგიურის გაკეთებას ვაპირებთ ახლაც.“
„ალექსანდრ არნოლდი თავს კარგად გრძნობს, მასთან დაკავშირებით პრობლემები არ არსებობს. სეზონის მანძილზე განაპირა მცველს რამდენჯერმე ჰქონდა პრობლემა, მაგრამ ახლა ყველაფერი წესრიგშია.“
„„რეალის“ გაჩერება 90 წუთის მანძილზე არავის შეუძლია. არ გამოვრიცხავ, რომ გოლი გავუშვათ, თანაც იმ ფონზე, რომ შეტევაში ხშირად მოგვიწევს წასვლა, თუმცა ყველა სცენარისთვის მზად ვართ და ბევრი გოლის გატანას ვაპირებთ.“
„გიჟური კალენდარის გამო, როგორც „რეალს“, ასევე „ლივერპულს“ ბევრი ტრავმირებული ფეხბურთელი ჰყავს. ამ მხრივ იდენტურ ვითარებაში ვიმყოფებით.“
„კროოსი საოცარი ფიგურაა, შეხედეტ მის გადაცემებს და მიხვდებით, რა დონის მოთამაშესთან გვაქვს საქმე, მაგრამ კონკრეტული ფეხბურთელების წინააღმდეგ გეგმა არ არსებობს. „ლივერპული“ ეცდება, რომ კომპლექსურად შეუტიოს და გამარჯვებისთვის ყველაფერი გაიღოს. დიახ, „რეალმა“ ამ თამაშამდე „ბარსელონა“ დაამარცხა, მაგრამ ჩემს კლუბს ეს არ აინტერესებს.“
„ტონი ნამდვილი გენიოსია, ის ხშირად მახსენებს ბერნდ შუსტერს, მაგრამ ეს უკანასკნელი ალბათ უფრო დინამიური იყო. ტონის სხვა განსაკუთრებული თვისებები აქვს.“
„ვინისიუსი ბრწყინვალე თამაში არ გამკვირვებია. ყველამ კარგად ვიცით, რატომ დაიმატა სამეფო კლუბმა ბრაზილიელი ვარსკვლავი, მასში ნამდვილად დიდი პოტენციალი დევს.“
„ველი კარგ, სანახაობრივ და შთამბეჭდავ თამაშს. ყველაფერი მოედანზე უნდა მოხდეს, ამიტომ ბევრ ლაპარაკს არანაირი აზრი არ აქვს.
- 13 აპრილი 2021
- 2103
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
