ზიდანი:„„ელ კლასიკოს“ მოგებას დიდი მნიშვნელობა ექნება“
ზინედინ ზიდანმა „ელ კლასიკოს“ წინ პრესკონფერენცია გამართა და ბევრი საინტერესო საკითხი მიმოიხილა.
„რა თქმა უნდა ურთულეს თამაშს ველოდებით. ვიცით, რომ მკაცრი მეტოქე გვყავს, რომელსაც უდიდესი გამოცდილება აქვს, მაგრამ კარგად მოვემზადეთ და გამარჯვება გვსურს. არ ვფიქრობ, რომ ეს თამაში ყველაფერს გადაწყვეტს, მაგრამ ძალიან ბევრი რამის განმსაზღვრელი იქნება.“
„ლა ლიგა ძალიან კონკურენტუნარიანი ჩემპიონატია, რომელსაც ამ ეტაპზე „ატლეტიკო“ ლიდერობს. თუ გავიმარჯვებთ, დიდ ნაბიჯს გადავდგამთ წინ, მაგრამ ჯერ კიდეც ბევრი ტურია წინ, სადაც ბევრი რამ შეიძლება მოხდეს.“
„ჩვენ ვიბრძვით, როგორც ლა ლიგაში, ასევე ჩემპიონთა ლიგაზე. „ლივერპულთან“ გამარჯვებით მხოლოდ ერთი ნაბიჯი გადავდგით წინ, მთავარი ბრძოლები ჯერ კიდევ წინ არის, სადაც სამეფო კლუბი მაქსიმალური შედეგებისთვის იბრძოლებს.“
„ვინისიუსს დიდი მომავალი აქვს. ბრაზილიელში განსაკუთრებული სიმშვიდის ნიშნები იკითხება, რაც ჩემს პატივისცემას კიდევ უფრო აღრმავებს, ჟუნიორი ძალიან ბედნიერია და მუშაობას აგრძელებს, მასზე ბევრი ლაპარაკი და აფორიაქება ნამდვილად არ იქნება სწორი ნაბიჯი. ჩვენ ეტაპობრივად ვუყურებთ წინახაზელის წინსვლას.“
„დიდი იმედი მაქვს, რომ ეს „კლასიკო“ რამოსისთვის ბოლო არ იქნება და კონტრაქტს მალე გაახანგძლივებს. ესპანელი მოედანზე ჩვენთან ერთად ვერ იასპარეზებს, თუმცა გასახდელში გუნდთან ერთად იქნება და ყველა ფეხბურთელს გაამხნევებს, მისი სიტყვები რა თქმა უნდა უდიდეს მნიშვნელობას შეიძენს.“
„მოგების შემთხვევაში 3 ქულას მოვიპოვებთ, ისევე როგორც „ეიბართან“, თუმცა ეს არ არის რიგითი მატჩი.“
„თუ წავაგებთ ლა ლიგისთვის ბრძოლას გავაგრძელებთ, მაგრამ ამაზე ფიქრი არ მსურს. ჩემი მიზანი მხოლოდ გამარჯვებაა.“
„კილიან მბაპეს ძალიან კარგად ვიცნობ და შესანიშნავი ურთიერთობა მაქვს. როგორც ფეხბურთელს, მბაპეს დიდ პატივს ვცემ, მაგრამ რადგან ახლა ჩემი ფეხბურთელი არ არის, პრესკონფერენციაზე მასზე საუბარს უადგილოდ მივიჩნევ. ალბათ ბევრი რამ მალე გახდება ცნობილი. ახლა მოდით კვლავ „ელ კლასიკოზე“ ვისაუბროთ, ვინაიდან ჩვენი შეხვედრის მთავარი მიზეზი სწორედ ეს გახლავთ.“
„არ მსურს, რომ ეს „ელ კლასიკო“ ლეო მესისთვის ბოლო იყოს. არგენტინელი კატალონიურ კლუბში უნდა დარჩეს, ის ლა ლიგას სჭირდება.“
„ედენ აზარი თავს უკეთესად გრძნობს, მაგრამ განაცხადში არ იქნება, ის „ბარსელონას“ წინააღმდეგ მოედანზე გასვლას ვერ შეძლებს.“
„მილიტაო ძალიან ახალგაზრდაა, ბრაზილიელმა მადრიდში დიდი გამოცდილება დააგროვა. ვფიქრობ, ედერი სამეფო კლუბში დიდ წარმატებას მიაღწევს, ის მომავლის ფეხბურთელია.“
„ასენსიოს პროგრესი აშკარაა. უდიდესი ტრავმის შემდეგ მარკო მოედანს დაუბრუნდა და ეტაპობრივად შევიდა ფორმაში. ბოლო მატჩებში ესპანელმა შემტევმა რამდენიმე გოლის გატანა შეძლო და გუნდს დიდი დახმარება გაუწია.“
„აზარის მოედანზე გასვლა ჩემზე და ბელგიის ნაკრების მთავარ მწვრთნელზე არ არის დამოკიდებული, ეს თავად ფეხბურთელის განსასაზღვრია.“
„მესი ყველაზე სახიფათო ფეხბურთელია, მასთან განსაკუთრებული სიფრთხილე გვმართებს. შესაძლოა არგენტინელმა გოლი ვერ გაიტანოს, მაგრამ ბევრი სასარგებლო საქმე გააკეთოს.“
- 9 აპრილი 2021
- 11033
- 13
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
