ზინედინ ზიდანი „ლივერპულთან“ დაპირისპირებისთვის განსაკუთრებულად ემზადება. სამეფო კლუბს სულ რაღაც 3 დღე აქვს იმისათვის, რომ ჩემპიონთა ლიგის მატჩს მოწოდების სიმაღლეზე შეხვდეს.

„რეალის“ დანაკლისი უზარმაზარია, რაც პირველ რიგში რამოსის არყოფნას ითვალისწინებს. ასევე მზად არ არიან აზარი და ვალვერდე, თუმცა ისინი შესაძლოა განაცხადში მოხვდნენ.

ესპანური გამოცემების ცნობით, ზიზუ მანესა და სალაჰის შესაჩერებლად სპეციალურად გეგმავს ამუშავებს, რომელიც 3-5-2 სქემაც ითვალისწინებს.

დაცვის ცენტრში სავარაუდოდ ნაჩო, მილიტაო, ვარანის ტრიო უნდა ვიხილოთ, ფლანგებზე კი მენდი და ლუკას ვასკესი, რომლებიც დაცვაშიც ინტენსიურად იქნებიან და შეტევაზეც ბევრს იზრუნებენ.

ზიდანის აზრით, „ლივერპულს“ დაცვაში სერიოზული პრობლემები აქვს, ამიტომ „რეალის“ სწრაფი და ფლანგიდან განვითარებული შეტევები შესაძლოა გადამწყვეტი აღმოჩნდეს.

ასევე ვრცელდება ინფორმაცია, რომ მოედანს მალე დაუბრუნდება დანი კარვახალი და განმეორებით დაპირისპირებაში ის შესაძლოა მოედანზე ვიხილოთ.
������� dle 10.1������� ������� ������