ჟოზე მოურინიოს „რეალში“ დაბრუნების საკითხმა კიდევ ერთხელ გაიჟღერა. პორტუგალიელი სპეციალისტი „ბლანკოსში“ დანიშვნასთან ძალიან ახლოს მაშინ იყო, როდესაც გუნდის მთავარი მწვრთნელის პოსტი სანტიაგო სოლარიმ დატოვა, თუმცა ფლორენტინო პერესმა საბოლოოდ არჩევანი ისევ ზინედინ ზიდანზე შეაჩერა და ფრანგისგანაც თანხმობა მიიღო.

ახლა ვრცელდება არაერთი ინფორმაცია, რომლის მიხედვითაც, ზიზუს გუნდის დატოვება აქვს გადაწყვეტილი, თუმცა უცნობია, როდის მოხდება ეს, 2021 წლის ზაფხულში თუ 2022-ში.

ბრიტანული გამოცემების ცნობით, ჟოზე მოურინიო ფლორენტინო პერესის რადარზე კვლავ არის. „რეალის“ პრეზიდენტი, „განსაკუთრებულის“ კანდიდატურას იურგენ კლოპთან, ლიოვთან და სხვა მწვრთნელებთან ერთად განიხილავს.

თავის მხრივ, ჟოზეს „ტოტენჰემთან“ მოქმედი კონტრაქტი აკავშირებს და დუმილს ამჯობინებს. „რეალი“ კი მისი დანიშვნის შემთხვევაში სრულიად ახალი შემადგენლობითა და პროექტით წარდგება პუბლიკის წინაშე.������� dle 10.1������� ������� ������