ზიდანი:„გადამწყვეტი მატჩების დრო მოდის“
ზინედინ ზიდანმა „სელტასთან“ დაპირისპირების წინ პრესკონფერენცია გამართა და გუნდში არსებული ვითარება მიმოიხილა.
„„სელტა“ საკმაოდ რთული მეტოქეა. ჩვენ ვიცით, რამხელა სირთულეებთან არის დაკავშირებული „ბალაიდოსზე“ თამაში, მაგრამ „ბლანკოსი“ ვალდებულია მოიგოს და აქტივში 3 ქულა ჩაიწეროს.“
„აზართან დაკავშირებით მუშაობა გრძელდება. ბელგიელის მომავალი ჯერ კიდევ არ არის ცნობილი. ოპერაციის შესახებ გადაწყვეტილება საბოლოო არ არის და არ ვიცი, საბოლოო ჯამში რა პოზიციაზე შევჯერდებით. მე მწვრთნელი ვარ და არა ექიმი.“
„მომავალზე არ ვფიქრობ. ახლა მხოლოდ იმაზე მაქვს კონცენტრაცია გადატანილი, რომ უახლოესი მატჩები მოვიგოთ. შესაძლოა ხელი 10 წლიან კონტრაქტს მოაწერო, მაგრამ მალევე წახვიდე. ამიტომ ამაზე საუბარი სისულელედ მიმაჩნია.“
„ვეტერანებთან მუშაობა ძალიან სასიამოვნოა. ვხედავ მათ წყურვილს ტიტულებისადმი და დიდ მოტივაციას. „რეალში“ არაერთი ძალიან დიდი მასშტაბის ფეხბურთელი ასპარეზობს.“
„ჩემპიონთა ლიგაზე მხოლოდ „რეალი“ დარჩა. ეს იმას არ ნიშნავს, რომ ლა ლიგას კრიზისი აქვს, ასეც ხდება ხოლმე. „ბლანკოსი“ ეცდება, რომ მაქსიმალურ შედეგებს მიაღწიოს.“
„არ ვიცი, ითამაშებს თუ არა „ლივერპული“ მადრიდში. არსებულ რეგულაციებთან დაკავშირებით დამატებითი ინფორმაცია არ მაქვს. არ არის გამორიცხული, პირველი მატჩის გამართვა ნეიტრალურ სტადიონზე მოგვიწიოს.“
„ფეხბურთი ასეა, ხან გაკრიტიკებენ, ხანაც გაქებენ. მთავარი ის არის, რომ სიმშვიდის შენარჩუნების უნარი გვქონდეს.“
„მენდი დიდებული ფეხბურთელია, მე მას დიდ პატივს ვცემ. ფრანგმა ფეხბურთელმა უამრავ მატჩში გაგვიწია დახმარება.“
„„ლივერპული“ ურთულესი მეტოქეა. ზოგადად 1/4 ფინალში მარტივი წინააღმდეგი არ არსებობს. კლოპმა კარგად იცის, რომ „მერსისაიდელთა“ წინააღმდეგ, მე ყველაფერს გავაკეთებ საუკეთესო გუნდის გამოსაყვანად.“
- 20 მარტი 2021
- 6554
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
