ზიდანი:„მსაჯის გადაწყვეტილების შეფასება უაზრობაა“
ზინედინ ზიდანმა „ელჩესთან“ გამარჯვების შემდეგ პრესკონფერენცია გამართა და გუნდში არსებული ვითარება დეტალურად მიმოიხილა.
„გადავყწივტე, რომ სისტემა შემეცვალა და ასეც მოვიქეცი. 3-5-2 „რეალისთვის“ უცხო არ იყო, ვინაიდან აღნიშნულ სქემას რამდენჯერმე მივმართეთ.“
„არ ვაპირებ მსაჯის გადაწყვეტილებებზე საუბარს, მაგრამ ალბათ ღიმილისმომგვრელია, როდესაც სტატისტიკას ვუყურებთ და ვამჩნევთ, რომ ოქტომბრის თვიდან 7 პენალტი დაინიშნა ჩვენს კარში, ჩვენს სასარგებლოდ კი ნული.“
„პირველსა და მეორე ტაიმს შორის დიდი სხვაობა იყო. პირველ 45 წუთში რამდენიმე კარგი მომენტი გვქონდა, მაგრამ გოლად ვერ გადავსახეთ, თუმცა მეორე 45 წუთში გუნდი უფრო მობილური და ეფექტური გახდა, რაც ცვლილებებმაც განაპირობა.“
„ფაქტია, რომ ათეულს ქვემოთ მყოფ გუნდებთან გვიჭირს, ამის ახსნა მხოლოდ ის არის, რომ „ბლანკოსის“ წინააღმდეგ ყველა საოცარი მოტივაციით ასპარეზობს.“
„ხარვეზებს კარგად ვხედავ, მათ შორის ამ მატჩიდანაც. ჩემი აზრით, ბევრი რამ არის გასაუმჯობესებელი, მაგრამ მთავარი ის არის, რომ გუნდი პროგრესს აჩვენებს და ბევრი მიმართულებით მუშაობს.“
„რამოსის მდგომარეობით კმაყოფილი ვარ. ესპანელს პრობლემა არ აქვს, მისი მოედნიდან გასვლა დაგეგმილი იყო, ვინაიდან კაპიტანისთვის მაქსიმალური ნორმა 60 წუთი გახლდათ.
„დიახ, მეც გავიგე, რომ პრესაში რონალდუსთან კავშირზე ბევრი იწერება, მაგრამ ახლა მხოლოდ სეზონის წარმატებით დასრულებაზე ვფიქრობ.“
- 13 მარტი 2021
- 4289
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
