OkDiario-ს ინფორმაციით, ზინედინ ზიდანს აშრაფ ჰაკიმის დაბრუნება სურს და ფლორენტინო პერესს ქმედითი ნაბიჯების გადადგმისკენ მოუწოდებს. ბოლო დროს დანიელ კარვახალი საშინლად ტრავმიანი ფეხბურთელი გახდა და „ბლანკოსს“ დაცვის მარჯვენა ფლანგზე ხშირად აქვს პრობლემები.

ალვარო ოდრიოზოლას წასვლა გადაწყვეტილია, ესპანელი ფეხბურთელი ვერ აკმაყოფილებს იმ სტანდარტებს, რომელიც სამეფო კლუბშია დაწესებული.

ზიზუ კარვახალის იდეალურ შემცვლელად აშრაფს განიხილავს. ფრანგი ამტკიცებს, რომ მაროკოელსა და ესპანელს შორის სათამაშო დროს იდეალურად გაანაწილებს და ამ მხრივ პრობლემა არცერთს არ ექნება.

ზემოაღნიშნულ წყაროზე დაყრდნობით, „მერენგებს“ აქვთ გარკვეული ბერკეტები, რომლის გამოყენების შემთხვევაშიც, ჰაკიმის „ინტერიდან“ დამატება სავსებით შესაძლებელია.������� dle 10.1������� ������� ������