მბაპეს ტრანსფერისთვის „რეალი“ 4 ფეხბურთელს გაყიდის!
ბრიტანული გამოცემების ცნობით, მანჩესტერ „იუნაიტედს“ დიდი შანსი აქვს იმისა, რომ რაფაელ ვარანი დაიმატოს. ინგლისური მხარე ასევე ინტენსიურად იმუშავებს ვინისიუს ჟუნიორის ტრანსფერზე.
გავრცელებული ინფორმაციით, ფლორენტინო პერესი მბაპეს ტრანსფერისთვის საჭირო თანხას 4 ფეხბურთელის სანაცვლოდ მიიღებს. პირველ რიგში გაიყიდება ვარანი, რომელმაც თავად გამოთქვა კლუბის დატოვების სურვილი, მის სანაცვლოდ გუნდს 80-85 მილიონი ევროს მიღება სურს.
პერესი ასევე აპირებს ვინისიუს ჟუნიორის გაყიდვას, ბრაზილიელის ფასი 70 მილიონი ევროა, ახალგაზრდა შემტევზე პრეტენზია „იუნაიტედმა“ ცოტა ხნის წინ გამოაცხადა.
გარდა ამისა სამეფო კლუბს დატოვებს მარიანო დიასი, რომელიც 20 მილიონადაა შეფასებული, მეოთხე მოთამაშე კი ბორხა მაიორალია. იტალიური გამოცემების ცნობით, „რომა“ ზაფხულში ფორვარდის სანაცვლოდ 15 მილიონს გაიღებს.
- 10 მარტი 2021
- 4894
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
