ლისაბონური კლუბის ვებ–გვერდზე გავრცელებული განცხადების მიხედვით, "ბენფიკა" კატეგორიულად უარყოფს გავრცელებულ ხმებს დი მარიას ტრანსფერთან დაკავშირებით რაიმე წინასწარი შეთანხმების არსებობის შესახებ. კლუბი აცხადებს, რომ მისთვის არავის არ მიუმართავს, მათ შორის "მადრიდის რეალს", ასევე ირწმუნება, რომ ფეხბურთელის აგენტს არანაირი ურთიერთობა არ ქონია "სამეფო კლუბის" წარმომადგენლებთან.

როცა ეს განცხადება გავრცელდა, გასული იყო 24 საათი მას შემდეგ, რაც კლუბის პრეზიდენტმა განაცხადა, რომ დი მარიას ტრანსფერი მსურველს 40 მლნ. ევრო დაუჯდებოდა. ზუსტად ამდენივე დრო გავიდა არგენტინელი ფეხბურთელის ბოლო ინტერვიუდან, სადაც იგი , როგორც "მადრიდის რეალის" ფეხბურთელი , ისე საუბრობდა.

წყარო: Marca.com