„რეალმა“ „ელჩესთვის“ მზადება დაიწყო
მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაიწყეს. ზინედინ ზიდანის გუნდის მეტოქე „ელჩე“ იქნება.
სესიაზე ზიზუმ რამდენიმე კასტილიელიც გამოიძახა. მთავარმა მწვრთნელმა დიდი ყურადღება დაუთმო ფიზიკური კონდიციების გაუმჯობესებას, ბურთის ფლობას, კარში დარტყმების კომპონენტს და პრესინგს.
გუნდთან ერთად ივარჯიშეს ედენ აზარმა და სერხიო რამოსმა, თუმცა ისინი სრულად მაინც არ იტვირთებიან და გარკვეულწილად განსხვავებული პროგრამა აქვთ.
დანიელ კარვახალი აღდგენით პროცესს განაგრძობს, ესპანელ ფეხბურთელს სტადიონზე დასაბრუნებლად კიდევ დიდი დრო დასჭირდება.
ხვალ „რეალი“ კიდევ ერთხელ შეიკრიბება და მორიგ ვარჯიშს გამართავს.
- 9 მარტი 2021
- 1253
- 23
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
