ზიდანი:„„ატალანტასთან“ მხოლოდ მოგება დამაკმაყოფილებს“
ზინედინ ზიდანმა „ატალანტასთან“ მატჩის წინ პრესკონფერენცია გამართა.
„ზუსტად ვიცით, ვინ ვართ და რა გვინდა. ჩვენ გვაქვს კონკრეტული მიზნები და გეგმა, რომელიც უნდა განვახორციელოთ.“
„კარგად გვესმის, რომ მარტივი მეტოქე არ გვყავს, „ატალანტა“ შესანიშნავ ფეხბურთს თამაშობს და „ბლანკოსთან“ მაქსიმუმს გაიღებს წარმატების მისაღწევად, ამიტომ ყველაფრისთვის მზად უნდა ვიყოთ.“
„ჩემპიონთა ლიგაზე „რეალი“ ყოველთვის ფავორიტია. სამეფო კლუბს ყოველთვის აქვს პრეტენზია პირველობაზე. ჩვენ კიდევ ერთი ფინალი გველის.“
„მოდრიჩი-კაზემირო თუ მაკელელე-ზიდანი? არჩევანი საკმაოდ რთულია, ჩვენ სხვადასხვა ეპოქაში ვთამაშობდით და გვქონდა სხვადასხვა დადებითი მხარე. მიხარია, რომ ლუკიტას და კაზემიროს მე ვწვრთნი.“
„მხოლოდ გამარჯვება დამაკმაყოფილებს, ვინაიდან სამეფო კლუბის მწვრთნელი ვარ. დიახ, სერიოზული პრობლემები გვაქვს, მაგრამ რეალობა უნდა გავითავისოთ.“
„ტრავმირებული ფეხბურთელების დაბრუნებას მოუთმენლად ველი, ჩვენი რესურსი მნიშვნელოვნად გაიზრდება.“
„„ატალანტა“ ჰგავს „აიაქსს“, რომელმაც 2 წლის წინ ტურნირს გამოგვთიშა. ამ გუნდს უყვარს შეტევა და სანახაობრივი ფეხბურთი, მაგრამ ყველაფრისთვის მზად ვართ.“
„გასპერინი შესანიშნავი სპეციალისტია, მას უყვარს ესთეტიკა. „ატალანტას“ დამრიგებელს კარგად ვიცნობ და დიდ პატივს ვცემ.“
„ბევრი ახალგაზრდა ფეხბურთელი გვყავს, რომლებმაც შესაძლოა შანსი მიიღონ. ჩემპიონთა ლიგაზე ასპარეზობა მათთვის დიდი გამოწვევა იქნება.“
„ყველა ფეხბურთელს ვუთხარი, რომ მაქსიმალური კონცენტრაცია მართებთ, სხვაგვარად წარმატება გამორიცხულია. ჩვენ ყველაფერს გავაკეთებთ მეორე მატჩში მშვიდად გამოსასვლელად.“
- 23 თებერვალი 2021
- 3560
- 15
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
