ზიდანი:,,მბაპეს და ჰოლანდს დიდი პერსპექტივა აქვთ"
ზინედინ ზიდანმა „ვალიადოლიდთან“ მატჩის წინ პრესკონფერენცია გამართა.
„საკმაოდ ნაყოფიერი კვირა გვქონდა. ყველაფერს ვაკეთებდით იმისათვის, რომ „ვალიადოლიდთან“ მატჩისთვის 100%-ით მზად ვყოფილიყავით. კმაყოფილი ვარ და ვთვლი, რომ მომდევნო ტური საინტერესო იქნება.“
„არ ვაპირებ „ატალანტასთან“ ჩემპიონთა ლიგის მატჩზე საუბარს, ვინაიდან მხოლოდ ლა ლიგის მომდევნო ტურზე ვფიქრობ.“
„სამწუხაროდ, ბენზემა გამოგვაკლდა, „ვალიადოლიდთან“ „9“-იანის ყოფნა გამორიცხულია, მომდევნო კვირაში კი ვნახოთ რა მოხდება.“
„მბაპეს თამაშს „ნოუ კამპზე“ ვუყურე, ის საოცარი ფეხბურთელია და მსიამოვნებს, როდესაც ფრანგის ასეთ გამოსვლას ვხედავ.“
„კონტრაქტების განახლებებთან დაკავშირებით დისკუსია კიდევ გაგრძელდება, სწორედ ეს არის პრესის საქმე, მაგრამ მერწმუნეთ, რომ ყველაფერი კარგად მიმდინარეობს და არავითარი პრობლემა არ შეიქმნება.“
„მე ვერ ვიტყვი იქნებიან თუ არა ჰოლანდი და მბაპე ახალი რონალდუ და მესი, ანაც ნეიმარი, თუმცა მათ უდიდესი პერსპექტივა აქვთ, როდესაც ნორვეგიელის და ფრანგის გამოსვლას ვუყურებ, დიდ სიამოვნებას ვიღებ.“
„ახლა ტრანსფერებზე ვერ ვისაუბრებ, ვინაიდან მხოლოდ სეზონის წარმატებით დასრულებაზე ვფიქრობ. ფეხბურთელებმა უნდა იფიქრონ მატჩების მოგებაზე და არა ტრანსფერებზე, „რეალი“ დიდი კლუბია, რომელიც ბევრი მიმართულებით მუშაობს.“
„ლა ლიგა ძალიან კონკურენტუნარიანი ტურნირია, ვერასდროს გაიგებ, რომელი გუნდი გაგიწევს უდიდეს წინააღმდეგობას. ვთვლი, რომ პირველი ადგილისთვის ბრძოლა სავსებით რეალურია, ამიტომ არ გავჩერდებით.“
„იმედი მაქვს, ჩვენი შემადგენლობა მალე უფრო ძლიერი გახდება. ტრავმების ეპიდემიის გამო არაერთი უჩვეულო და ექსპერიმენტალური გადაწყვეტილების მიღება მიწევს, რაც ნამდვილად არ შედის ჩემს გეგმებში. ყველა მალე უნდა გამოჯანმრთელდეს და გადამწვეტ პაექრობებში გუნდს დაეხმაროს.“
„ნამდვილად ვერ გიპასუხებთ ჰოლანდი მირჩევნია თუ კილიან მბაპე, ორივე მოთამაშე უდიდეს პოტენციალს ფლობს.“
„„„ატლეტიკოს“ ნაჩვენებ შედეგებს დიდ მნიშვნელობას ვანიჭებ, ვინაიდან ყველაფერი მათზეა დამოკიდებული, თუმცა ბოლო დროს „როხიბლანკომ“ ქულები დაკარგა და ჩვენი შანსებიც გაიზარდა.“
„ლიგისთვის ბრძოლა რა თქმა უნდა ჩვენი პრიორიტეტია, მაგრამ შიდა ასპარეზსაც უდიდეს ყურადღებას ვაქცევთ, „ვალიადოლიდთან“ ვეცდებით კარგად გამოვიდეთ და იტალიელებთან მატჩს კარგ ხასიათზე შევხვდეთ.“
„მბაპეს ტრანსფერი? ფლორენტინოს აქტივობების შესახებ ყველას შეუძლია ჰქონდეს თავისი აზრი.“
„კილიანი ოქროს ბურთს მოიგებს, ეს ადრეც ვთქვი და ახლაც არ შემიცვლია აზრი. არ შეიძლება მბაპე და მესი ერთმანეთს შევადარო, ვინაიდან მათ შორის დიდი ასაკობრივი სხვაობაა, როდესაც ამას აკეთებთ დაფიქრდით.“
- 19 თებერვალი 2021
- 8730
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
