გერმანული გამოცემები არაერთი ინფორმაციით არის სავსე, რომელიც ერლინგ ჰოლანდის „დორტმუნდიდან“ წასვლას უკავშირდება.

გერმანელთა ცნობით, „ბორუსიას“ სერიოზული ფინანსური კრიზისი აქვს, რასაც გარე ვალები და არსებული პანდემია განაპირობებს. თუ ბუნდესლიგის ერთ-ერთი საუკეთესო გუნდი გარკვეულ შემოსავლებს ვერ მიღებს, სერიოზული პრობლემები შეექმნება.

გავრცელებული ინფორმაციით, „დორტმუნდში“ ჰოლანდის გაყიდვაზე სერიოზულად დაფიქრდნენ და მადრიდის „რეალიც“ აღნიშნული გარემოებით სარგებლობს.

ახლა ფლორენტინო პერესის შანსი გაცილებით უფრო დიდია, ვიდრე თავიდან სჩანდა.

ჰოლანდზე პრეტენზიას სხვა კლუბებიც აცხადებენ, თუმცა პრესაში ყველა თანხმდება იმაზე, რომ ერლინგის შეძენის მთავარი ფავორიტი სწორედ სამეფო კლუბია.

რაც შეეხება თანხებს. დაუდასტურებელი ინფორმაციით, „მერენგები“ ერლინგის სანაცვლოდ 85 მილიონ ევროზე მეტს გადაიხდიან, რაც ბორუსიელებს ბევრი პრობლემის მოგვარების საშუალებას მისცემს.

������� dle 10.1������� ������� ������