21 წლის ცენტრალური მცველი, ფაკუნდო მედინა, რომელიც „ლანსის“ რიგებში გამოდის და დიდ პერსპექტივას ფლობს, ზინედინ ზიდანის ინტერესთა არეალში მოექცა.

არგენტინელი ფეხბურთელი ბუენოს აირესშია დაბადებული და „ლანსში“ 2020 წლის ზაფხულში გადავიდა, ის სამშობლოში თამაშის დროს გამოდიოდა „ტალერეშსა“ და „რივერ პლეიტის“ ასაკობრივ გუნდებში.

მედინას ერთ-ერთი საუკეთესო თვისება სხარტი აზროვნება და საკმაოდ ნორმალური სისწრაფეა, ის ასევე კარგად თამაშობს მეორე სართულზე და საიმედო მცველად ითვლება.

ლანსის რიგებში ფაკუნდოს მიმდინარე სეზონში 17 თამაში დაუგროვდა, სადაც 2 გოლის გატანა და 7 ყვითელი ბარათის მიღება მოასწრო, რაც იმაზე მიუთითებს, რომ ახალგაზრდა მოთამაშე ხშირ შემთხვევაში ხისტად თამაშობს და ორთაბრძოლებში გამბედავად შედის.

მედინას ფასი ამ ეტაპზე 10 მილიონ ევრომდე მერყეობს, მას „ლანსთან“ კონტრაქტი 2024 წლის ზაფხულამდე აქვს გაფორმებული.

������� dle 10.1������� ������� ������