რონსერო:„მბაპეს სერხიო რამოსის კონტრაქტიც აფიქრებს“
ტომას რონსეროს განცხადებით, სერხიო რამოსის ახალი კონტრაქტი ძალიან მნიშვნელოვანია, როგორც თავად კაპიტანისთვის, ასევე საერთო სიტუაციისთვის...
„დიახ, ჩვენ ვსაუბრობთ კილიან მბაპეზე, მასში ბევრი მილიონის გადახდასა და კოლოსალურ ხელფასზე, მაგრამ გაიხსენეთ ეკონომიკური კრიზისი და რამოსის ირგვლივ ატეხილი აჟიოტაჟი. თუ პერესი ესპანელი ლეგენდის ხელფასს არ იხდის, მაშინ მბაპეს ტრანსფერი როგორ უნდა სრულყოს? ეჭვი არ მეპარება, კილიანი ამაზე ბევრჯერ დაფიქრებულა.“
„2000 წელს ფლორენტინომ ძალიან მძიმე „რეალი“ ჩაიბარა, რომელიც ტიტულებს იგებდა, მაგრამ ეკონომიკური თვალსაზრისით საშინელ მდგომარეობაში იყო და გაკოტრებას უახლოვდებოდა. მაშინ პერესმა საოცრებები ჩაიდინა და „ბლანკოსი“ უმდიდრეს კლუბად აქცია.“
„პერესი ბრწყინვალე კრიზის მენეჯერია, მან იცის ფულის მართვა და ვფიქრობ, რომ ახლანდელ მდგომარეობასაც გამოასწორებს.“
„„რეალს“ არაერთი მსხვილი პარტნიორი ჰყავს, რომელთაგან რამდენიმე არა მილიონებს, არამედ მილიარდებს ფლობს და ბიზნესს ქმნის.“
„ვფიქრობ, პრობლემების გადაჭრის გზა სერხიო რამოსის ახალ კონტრაქტსა და მბაპე-ჰოლანდის ყიდვაზე გადის.“
- 26 იანვარი 2021
- 2420
- 18
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
