„ალავესთან“ მატჩისწინა პრესკონფერენცია ზინედინ ზიდანის ნაცვლად დავიდე ბეტონიმ გამართა და წინასაპაექრო პერიპეტიები მიმოიხილა. ხვალ „ბლანკოსის“ დამრიგებლის სტატუსი სწორედ ბეტონის ექნება.

„ზინედინ ზიდანი თავს კარგად გრძნობს, მე მას გუშინ ვესაუბრე.“

„მარტინ ოდეგორზე ახლა ვერაფერს გეტყვით, ყველაფერს მომდევნო დღეები გვიჩვენებს, ნორვეგიელთან დაკავშირებით არაფერს გამოვრიცხავ.“

„რამოსი „ალავესთან“ ვერ დაგვეხმარება, იგივეს თქმა შემიძლია კარვახალზეც, რომელიც დღეს ვარჯიშობდა, მაგრამ 100%-ით მზად არ არის, ამიტომ არ გავრისკავთ.“

„„ალკოიანოსთან“ შეხვედრაზე მე ვერანაირ განცხადებას ვერ გავაკეთებ, ამ კითხვის ადრესატი უფრო ზიზუა, ამიტომ ბოდიშს ვიხდი.“

„ბევრს ვმუშაობ იმისათვის, რომ გუნდმა თავი წარმატებით გაართვას არსებულ გამოწვევას. ზიზუ ფიზიკურად ჩვენთან არ იქნება, მაგრამ მატჩს მაინც ის წარმართავს.“

„მე და ზიდანს ყოველ დილით გვსიამოვნებს „ბლანკოსის“ ფეხბურთელების ნახვა. გაგვიმართლა, რომ აქ ვართ.“

„გუნდი ერთიანობას კიდევ ერთხელ აჩვენებს, დღევანდელ სესიაზე ბევრი საკითხი მიმოვიხილეთ და დარწმუნებულები ვართ გამარჯვებაში.“

„ტექნოლოგიები ნამდვილად არის იმ დონეზე განვითარებული, რომ ზიზუსთან მატჩის დროს კომუნიკაცია შევძლოთ. ჯერ-ჯერობით არ ვიცი, როგორ ვისაუბრებ მასთან.“

„ჩვენ ყოველდღე ერთი მიზნისთვის ვმუშაობთ. კიევში საშინელი წაგების შემდეგ ვითარება შევცვალეთ და ვეცდებით, რომ „ალკოიანოსთან“ მარცხის შემდეგაც სულ სხვა ფეხბურთი ვითამაშოთ.“������� dle 10.1������� ������� ������